Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.
Artillerie of gesjöt is bie de kriegsmachte 't óngerdeil det vuursjteun geuf aan de eige troepe. In breiere zin is 't de verzamelnaam veur alle vuurmunj die gein handjvuurwaopes zeen.
Me óngersjied krómbaan- (houwitsers en mortiere) en vlakbaangesjöt (knónne) en angerszins ouch getróchte en gemechaniseerde artillerie. Getróchte artillerie weurt verplaats mit behölp van trèkkers (vrachwages of pantserveurtuge), gemechaniseerde artillerie besjteit oet 'ne vuurmóndj op 'n (gepanserd) óngersjtèl.
Mortiere zeen 'ne lichtere vorm van artillerie, döks in gebroek bie de óngersjteuningseinheje van (pantser)infanterie-einheje. Gedemonteerd kan 'ne mortier door inkel infanteriste in 't veld waere verveurd en sjnel waere opgezatte. Zwaorder mortiere waere meistal verveurd mit trèkkers.
Tot de artillerie waere ouch de rakètte geraekend, zowaal geleid es óngeleid, die in 't veld waere gebroek.