Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Aragoniet is e mineraal. 't Is e calciumcarbonaat mitte sjemische formuul CaCo3. 't Is 'ne metastabiele polymorf van calciet en is daodoor lestig te óngersjeie van calciet, ómdet de sjemische eigesjappe min versjille. Middels 'ne kluuertes kan 'n óngersjied waere gemaak wobie de aragoniet zwart wuuertj, dewiel calciet kluuerloeas blief. Boetedet is aragoniet get helder es calciet en kan via 'ne kratstes waere bepaoldj óm welch mineraal 't zich geit. 'n Derdje óngersjeijingsmethood is de habitus: aragoniet greutj meistes in naoljvörmige kristalle (aciculair), dewiel calciet 'ne blaadvörmigen habitus haet.
Aragoniet wuuertj ummer gevörmp bie lieëg temperaturen en kort ane aerdoppervlakdje. Aragoniet kan me vinje in geisers, wermwaterbrónne, grotte, wie oöliete in óndeep zieëje, in sjelpe en in paerele.
Vinjplaatsen in Europa zeen Aragón (Spanje), wohaer 't ouch is verneump gewaore, Limousis (Frankriek), Girgenti (Sicilië), Bilib (Boheme) en Eisenertz (Oeasteriek).