D'r Abdij van Herkenrode liegkt in Kuringe, 'n deelgemèngde va Hasselt en waoërt gesjticht in 1182 dör Gerard, graaf va Loeën, dae laand verkóch an 'ne broeder oet Aulne, dae d'r 'ne abdij vör Cisterciënzerinne sjtichde. 't Gaeld how d'r graaf nuëdèg öm mèt te betale an de kruustóchte.
D'r naam Herkenrode besjtèèt oet twieë dele. Herken keumt van 't Keltische arika, verklèngwaoërd van ara, dat reveer betekent en rode, 'n aoëpe, gerooide plaatsj in d'r bösj. Herkenrode betekent dus aoëpe plaatsj an 'n baeëk.
In 't waope van d'r abdij sjtóng 'ne èènhaoën en noe sjtèèt op 't domein nog 'n sjtandbeeld van dit mythologisch deer.
In 1981 óntdèkde me veer renaissancesjèlderieje oet de reeks Vrowwe die doge va d'r Luukse sjèlder Lambert Lombard.