Gebäörtenisse
wirt op 27 mieërt 1958 de nuje premier van de Sovjet-Unie.
- 4 jannewarie – De Sjpoetnik 1 vilt nao 92 daag in de ruumde truk op aarde.
- 7 jannewarie - Walter Hallstein weurt d'n ierste Prizzedent vaan de Europees Kemissie
- 8 jannewarie - Loc 3737 riejt de lètste rit es sjtoumlocomotief in deens van de Nederlandse Sjpaorwaeg. Dit beteikent 't eindj van 't sjtoumtiedperk in Nederlandj.
- 11 jannewarie - In Nederlandj wirt Anne Vondeling minister van Landjboew. Hae volg Sicco Mansholt op, dae de President van de Europees Kemissie weurt.
- 23 jannewarie - Nao drie waeke van ónrös en geweld mót de Venezolaanse dictator Marcos Pérez Jiménez 't landj oetvluchte. Eine junta ónger admiraal Larrazabal hersjtèlt ónmiddellik de burgerlike vriejheje en kondig vriej verkezinge aan.
- 1 fibberwarie - Mèt ein "Jupiter C"-raket lancere de Amerikane hunne eësjte kunsmaon, de Explorer 1 (gewich 14 kg). De kunsmaon zal pes augustus 1965 in ein baan óm de aarde blieve.
- 5 fibberwarie - Gamal Abdel Nasser wirt president van de Verenigde Arabische Repebliek.
- 6 fibberwarie - Biej ein vleegramp in Münche kómme 22 luuj óm 't laeve wo-ónger 7 sjpelersj van Manchester United FC.
- 3 miert - D'r kómme 7 mienwirkers óm 't laeve door ein insjtorting in de Sjtaatsmien Maurits in Gelaen.
- 12 miert - In Sjtraatsburg kump veur 't eësj de Europese Assemblee biejein, de veurlouper van 't Europees parlemènt. Ze is samegesjtèld oet parlementariërs oet de zös lenj van de Europese Economische Gemeinsjap.
- 27 miert - Nikita Chroesjtsjov wirt premier van de Sovjet-Unie.
- 17 april - Äöpening van de Waereldtentoansjtèlling in Brussel, baeter bekènd es Expo '58.
- 13 mei - Charles de Gaulle wirt beneump tot minister-president van Frankriek.
- 24 mei - Martin Schröder rich ein Nederlandse lóchvaartmaatsjappiej op. Eësj Martin's Air Charter geheite, wirt deze naam later ómgeduip tot Martinair.
- 29 juni - Brazilië wint de waereldtitel door gaslandj Zjwede in de finale van 't WK voetbal mèt 5-2 te versjlaon.
- Doezende Zeëuws-Vlaminge trèkke te voot nao Den Haag en eise trukkeër van de vriej vaere.
- 6 juli - Op de waereldtentoansjtèlling Expo '58 wirt eine Vlaamse daag georganiseerd.
- 13 juli - Amerikaanse mariniers valle Libanon bènne óm op verzeuk van president Chamoun ein eindj te make aan eine volksopsjtand taenge zien herverkezing.
- 31 juli - De Nationaal Vergadering van Libanon keus de populaire opperbevelhöbber Foead Shehab tot opvolger van president Chamoun. Zoawaal Egypte es de Verenigde Sjtate haet zich akkaord verklaord.
- 3 augustus - Niger wirt ónaafhankelik.
- 14 augustus - KLM-vluch 607-E van Amsterdam nao New York sjtort ten weste van Ierlandj in de Atlantische Oceaan. Alle 99 inzittende kómme óm. Oarzaak is eine euververhitte propeller.
- 2 september - In Zuid-Afrika kees de parlementaire fractie van de Nasionale Party Hendrik Verwoerd tot nuje leijer. Hae verklaort te sjtreve nao volledige rassesjeijing en de sjtichting van ein repebliek.
- 17 september - De eësjte aaflevering van Pipo de Clown versjient op de Nederlandse televisie.
- 4 oktober - De eësjte trans-Atlantische lienvluch mèt ein sjtraolvleegtuug wirt oetgeveurd door BOAC mèt eine De Havilland Comet. De Britse maatsjappiej is de Amerikaanse concurrent Pan Am mèt eine Boeing 707 drie waeke veur.
- 8 oktober - De Zjweedse chirurg Ake Senning brink de eësjte pacemaker in biej ein meinsj.
- 28 oktober - De aartsbisjop van Venetië, Angelo Giuseppe Roncalli, wirt tot paus gekaoze. Hae keus de naam Johannes XXIII. De nuje kirkvors is bienao 78 jaor en wirt gezeen es euverganksfiguur of tösjepaus.
- 17 november - In Soedan griep generaal Ibrahim Abboud nao eine militaire sjtaatsgreep de mach.
- 7 december - Biej de algemein verkezinge in Venezuela versjleit presidentskandidaat Rómulo Betancourt admiraal Larrazabal en de christendemocraat Rafael Caldera. Hae zal 't amb in fibberwarie 1959 aanvaarde.
- 10 december - De eësjte paol veur de Euromas in Rotterdam wirt gesjlage door burgemeister Van Walsum.
- 11 december - 't Lètste Kabinet-Drees vilt, d'r kump ein eindj aan de roams-roaj coalitie. De volgende daag deent 't kabinet zien óntsjlaag in. 't Blief demissionair pes 22 december 1958. Ein rómpkabinet ónger Beel bereijt de verkezinge veur.
- zónger datum
- Eësjte book van Pietje Puk wirt oetgebrach.
- Berendrecht, Lillo en Zandvliet waere biej Antwerpe gevoog.
- Op Rozenburg wirt ein begin gemaak mèt de aanlègk van de Europaort.
- Oprichting van de Mouvement National Congolais (MNC) in Belsj-Kongo door Patrice Lumumba.
- De Zuderzeëballaad wirt gesjreve en oetgebrach.
Nobelprieze
- Natuurkunde: Pavel Tsjerenkov, Ilja Frank en Igor Tamm "um de oontdèkking en verklaoring vaan 't Tsjerenkoveffek."
- Sjemie: Frederick Sanger "um zie werk umtrint de structuur vaan eiwite, in 't bezunder die vaan insulien."
- Geneeskunde:
- George Wells Beadle en Edward Lawrie Tatum "um hun oontdèkking tot gene wèrke door 't sjikke vaan bepaolde sjemische percesse."
- Joshua Lederberg "um zien oontdèkkinge umtrint genetisch herstèl en de organisatie vaan 't genetisch materiaol vaan bacterië."
- Literatuur: Boris Pasternak "um zien belaankrieke prestaties in zoewel de modern lyriek es op 't gebeed vaan de groete Russische vertèltraditie" (oonder dwaank geweigerd).
- Vrei: Dominique Pire, Dominicaoner pater, leismaan vaan de vlöchtelingehölporganisatie L'Europe du Coeur au Service du Monde."
