14 miert - Nao ein conclaaf van drieënhauve maondj wirt Giorgio Barnaba Luigi Chiaramonti tot paus gekaoze. Es protegé van de vreugere paus Pius VI kees hae de naam Pius VII.
28 miert - 't Iers parlemènt teikent de unificatie akte van 1800 wo-in akkaord wirt gegaon mèt ein vereiniging mèt Groat-Brittannië. In 1801 zal dees wèt ingaon.
26 juli - In Frankriek wirt de waek weer ingeveurd, mèt de zevende daag es rösdaag. Allein ambtenaere blieve wirke volges de decade, mèt jedere tieënde daag es rösdaag.
Amerikaanse presidentsverkezinge (road: John Adams, greun: Thomas Jefferson)
30 augustus - Gabriel Prosser, eine zjwarte sjlaaf oet Virginia, beraamp eine opsjtand op de plantage, mèr wirt gepak en opgehange.
5 september - Malta, dat door de Franse bezat waas, vilt in henj van de Britte.
1 oktober - Sjpanje en Frankriek teikene in 't geheim 't verdraag van San Ildefonso, womit Sjpanje 't koloniaal territorium Louisiana trukgeuf aan de Franse.
1 november - In gebruukname van 't Amerikaanse Witte Hoes.
4 november - Presidentsverkezinge in de Verenigde Sjtate tösje Thomas Jefferson en John Adams. Oetentelik zouw 't ein vraemp gelieksjpel waere tösje Jefferson en ziene beougde vicepresident Aaron Burr dat nao lang getouwtrèk oetentelik tot 't 1e presidentsjap van Jefferson zouw leije.
Waterzuvering door middel van Chloor, bedach door de Sjot William Cruikshank, is de eësjte methode oats óm water ten behoeve van de aopebaar hygiëne chemisch te behanjele.
Iezere drökpaersj door de Èngelsjman Robert Walker.
Hendry Maudslay vundj de draejbank mèt sjroefaandrieving oet.
Lorenzo Hervás y Panduro publiceert Catálogo de las lenguas de las naciones conocidas, y numeración división y clase de éstas según la diversitad de sus idiomas y dialectos, ein belangriek werk veur 't weitesjappelik taalóngerzeuk.
Beuk
Sur la littérature considérée dans ses rapports avec les institutions sociales, ein book van Anne Louise Germaine de Staël wirt gepubliceerd.
