Lishana Deni es un lashon de la lingua djudeo-aramea modérna, jeneralmente yamada "Arameo modérno" o "Djudeo-Arameo". Era avlado orijinalmente en la sivdad de Zaho i sus viyas serkanas al nord de Irak, en la rejion proksima a la frontiera kon la Turkiya.La majorita de los avlantes de esta lingua biven oy endiya en Yerushalayim o serka. Lishana Deni sinyifika "muestra lingua", ansina komo los nombres uzados por otros lashones del arameo, Lishán Didán i Lishanid Noshan. Otro nombres kon los kualos es konosido este lashon es Lishan Hozaye,la lingua de los djudios, i Kurdit, Kurdo. Los akademikos jeneralmente la yaman Lingua Aramea Modérna de Zaho, deke es el lashon djudio mas proksimo a la Lingua Aramea Moderna. Oy endiya este lashon es avlado por unas 8.000 personas, la majorita aedados.

Referensias

Heinrichs, Wolfhart (ed.) (1990). Studies in Neo-Aramaic. Scholars Press: Atlanta, Georgia. ISBN 1-55540-430-8.
Maclean, Arthur John (1895). Grammar of the dialects of vernacular Syriac: as spoken by the Eastern Syrians of Kurdistan, north-west Persia, and the Plain of Mosul: with notices of the vernacular of the Jews of Azerbaijan and of Zakhu near Mosul. Cambridge University Press, London.
Sabar, Yona (1975). The impact of Israeli Hebrew on the Neo-Aramaic dialect of the Kurdish Jews of Zakho: a case of language shift. Hebrew Union College Annual 46:489-508.
Avenery, Iddo, The Aramaic Dialect of the Jews of Zakho. The Israel academy of Science and Humanities 1988.

Atamientos Eksternos

Linguas djudias

Kategorías