Zygotum (a Graeco ζυγωτός 'coniunctus' < ζυγοῦν 'coniungere'[1]) est cellula eukaryotica per fertilizationem binarum gametarum generata. Genoma zygoti est mixtura DNA in quaque gameta, quae satis informationis geneticae per quam novus singulus nasci potest continet. Zygotum in organismis multicellularibus est prima progressus statio; in organismis autem cellulae unius, zygotum asexualiter per mitosin dividi potest ad proles easdem generandas. Oscar Hertwig (1849–1922) et Ricardus Hertwig (1850–1937) fratres nonnullas ex primis inventionibus informationis de zygotis animalium fecerunt.