Zingiber est genus plantarum florentium familiae Zingiberacearum, genus quod fere octoginta quinque species zingiberorum verorum complectitur, plantas in medicina cocturaque in multis mundi partibus utiles. Inclutissima species est Zingiber officinale e quo aroma condimentarium et medicinale provenit. Oleum essentiale ex rhizomate deducitur de Zingibere montano, planta herbali in Asia Australis et Orientalis pro ampla aegrotationum serie per saecula usa.
Quisque Zingiberum species proprium in coctura usum habet. Zingiber mioga magno pro cauli floribusque aestimatur. Rhizoma (caulis radice similis) Zingiberis officinalis est eximium condimentum, quod adhibetur conditum vel siccatum et in pulverem contritum.