Wiluius[1] (Russice Вилюй, Viljuj, Iacutice Бүлүү, Bülüü) est flumen in territorio Crasnoiarensi et re publica Iacutia Russiae. Circiter 2650 chiliometra patet et in Lenam flumen (cuius accola sinistra et maxima est) effunditur. Per taigam desertam et saxosam in maxima parte longitudinis aquas fert. In oppido Černyševskij ergasterium hydroelectricum Wiluicum anno 1967 constructum est, cuius moles receptaculum aquae Wiluicum tenet. In fluxu inferiore aliud ergasterium hydroelectricum Svetlinskaja anno 2004 aedificatum est.