Rectio
Populus
Origo
Commemoratio
Tabula aut despectus
Universitas Burdigalensis a Papa Eugenio IV die 7 Iunii 1441 Burdigalae condita est, a Conventu anno 1793 deleta. Anno 1808 facultates Burdigalenses scientiae, grammaticae, theologiae et schola medicinae a Napoleone conditae sunt. Anno 1815, facultates scientiae et grammaticae rursus deletae sunt. Anno 1839, haec in vinculo Montbazon a rege Ludovico Philippo reconditae sunt. Anno 1870 facultas iurisprudentiae addita est. Anno 1878, schola medicinae in facultatem mutata est. Sub Tertia Respublica die 10 Iulii 1896 universitas Burdigalensis iterum condita est. Quam anno 1968 Edgarus Faure in universitates Burdigalensis I scientiae atque iurisprudentiae (postea, anno 1995, in Universitates Burdigalensis I scientiae et Burdigalensis IV vel Carolus Montesquieu iurisprudentiae subdivisam), Burdigalensis II (vel Universitas Victor Segalen ) medicinae, insuper Universitas Burdigalensis III (vel Universitas Michael Montanus ) dividit. Anno 2014 omnes, III exceptá, in novam universitatem Burdigalensem coniunctae sunt.