Fines
Forma
Gestio
Vita
Sigla
Tabula aut despectus
Territorium Maritimum vel Primorskense[1] (Russice Приморский[2] край, tr. Primorskij kraj) est subiectum Foederationis Russicae, die 20 Octobris anni 1938 formatum, cum territorium Extremorientale in hoc territorium et territorium Fortunianum divisum esset. In districtum foederalem Extremorientalem inclusum est.
In litore maris Iaponici patet et cum territorio Fortuniano (in septentrione) et Sinis (in occidente) et Corea (in meridio-occidente) conterminum est. Aream 164 673 chm² et plus 1903 milia incolarum (anno 2019) habet. Urbs capitalis est Vladivostokium, aliae urbes Nicolaopolis Ussuriensis et Inventum.
Chanka est lacus territorii maximus, e quo Sungatschi flumen oritur et in Ussuri effunditur. Sinus Vladimiri, sinus Helgae[3], sinus Petri Magni[4] (cuius partes sunt sinus Amurensis[5], Ussuriensis[6], Inventum) litora territorii curvant; promunturia Gamovii, Schmidtii, Versatile, Quattuor Rupium in mare Iaponicum eminent.
Situs geographici et historici: Locus: 45°20′0″N 134°40′0″E • OpenStreetMap • GeoNames • Store norske Lexikon • Большая российская энциклопедия |
Vicimedia Communia plura habent quae ad Territorium Maritimum spectant. |