Stephanus Gaselee, vulgo Sir Stephen Gaselee (natus anno 1882; mortuus die 16 Iunii 1943) fuit legatus, eruditus, ganeo, amator librorum antiquorum Anglicus. Fuit bibliothecarius Collegii Magdalenae apud Cantabrigienses et amicus Alwini Scholfield qui eodem fere tempore bibliothecarius merebat universitarius.
Anno circiter 1902, annum vigesimum agaens, iam "character" vel "persona Cantabrigiensis" a Ronaldo Storrs delineatus est: membrum societatis "Decemvirorum" disputatorum philosophicorum una cum Ioannem Maynard Keynes et Lytton Strachey, eruditissimum litterarum classicarum, bibliophilum, liturgiologum, "qui tenilusor capillos reti retinebat, qui cattos suos Siamenses taetro pulmonis bovini frusto alebat (diu in patella prope cubile suum servato); qui quotidie per annum focum accendebat quippe Anglia sub climate frigido iacebat; qui societatem cenatoriam Deipnosophistarum condidit cuius socii purpuream synthesim gerentes serica syringea ornatam, vodca urbane praepotita, Oceanum sine chartis ciborum dialogorumque navigabant; qui Coptice legere scribere loqui potebat (id quod Copti ipsi iam trecentos annos non faciebant); qui calamo suo sacerdotali noctu fumebat dum Petronium vestimentaque ecclesiastica alasque squalorum(en) et problemata culinaria exponebat; princeps saecularis et miles Ecclesiae, gastronomus regius" cum quo per hortos collegiorum lintro permeabat cerasosque e magnis saccis rodebat dum fabulas Guidonis de Maupassant inter se viva voce recitabant.[1]