Spectator[1] est qui opera artis spectat, sive qui theatro, pantomimo, spectaculis aliisve ludis adest neque ipse actionibus interest. In theatro quidem et aliis artibus actoriis vel "performativis" etiam spectator actionibus vel perfunctionibus interesse potest. Interdum quidem pro spectatore praestat aliis locutionibus uti: audiens sive auditor est qui concentui musico acroasive academicae adest; lector est qui litteris oblectatur. Saepe opus est nomine collectivo, quod spectatorum circulum sive frequentiam significet. Consessus[2] spectantium audientiumve multitudinem significat; item auditorium,[3] quod etiam audientium locum significat. Cum de spectatoribus generatim agitur, multitudo[4] sive populus[5] rem expedient.[6]
Socii in audientiis modis variis in variis artis generibus intersunt: alii eventus apertum audientiae responsum, alii solum applausum, iudicium, et receptionem minorem petunt.
