Seditio Islamica (Persice انقلاب اسلامی enġelāb-e eslāmi) fuit rerum Iranicarum eversio, qua rerum novarum cupidi ab 7 Ianuarii 1978 ad 11 Februarii 1979 parit, qui die 16 Ianuarii anno 1979 Machometum Reza Pahlavi imperatorem Persicum sede moverunt regimenque Islamisticum erexerunt. Auctor seditionis fuit Ruhullah Khumayni, tunc ex exsilio Francico redux. Sunt qui dicant illam rerum conversionem tertiam fuisse e tribus magnis, scilicet cum Francici imperii fine anno 1789, Russicique anno 1917 impetrata.[1]
Sensu ampliore dicitur seditio Islamica omnis in rem publicam impetus, qui theocratiam Islamicam condere imperiumque divinitatis peritis mandare sibi proponit. Quin Irania illam seditionem et aliis in terris, sicut in Afgania, Libano, Iraquia, propagare studebat. Quae autem adhuc cognovimus regimina Islamistica, non seditione, sed bello (Algeria, Afgania, Somalia) vel commutatione pacifica (Arabia Saudiana, Cuvaitum) orta sunt.