Memoria
Ricardus Purdy Wilbur (1 Martii 1921—14 Octobris 2017) fuit poeta et interpres litterarum Americanus. Secundus poeta laureatus Civitatum Foederatarum anno 1987 creatus est, et bis praemium Pulitzer poesis accepit, annis 1957 et 1989.[1]
Novi Eboraci natus est, et in North Caldwell in Nova Caesarea adolevit.[2] Diploma studiorum in Schola Superiore Montclair anno 1938 adeptus est, ubi pro diario discipulorum laboraverat.[3] Diploma studiorum in Collegio Amherstensi anno 1942 adeptus, in Exercitu Civitatum Foederatarum ab 1943 ad 1945 per secundum bellum mundanum meruit. Tum, post scholam graduatam in Universitate Harvardiana, Wilbur in Universitate Wesleiana duo decennia, et in Collegio Smithiano alio decennio didicit. Cum in Universitate Wesleyana esset, prelo universitario adiuvit in serie poesis condita.[4][5] Duo praemia Pulitzerana poesis accepit, et anno 2009 in Collegio Amherstensi iam docebat.[6]
Wilbur octo annos natus suum poema primum in John Martin's Magazine protulit.[7] Primum librum suum, The Beautiful Changes and Other Poems, anno 1947 edidit. Ex quo nonnulla volumina poesis protulit, inter quae New and Collected Poems (Faber, 1989). Wilbur etiam est interpres, qui operam comicis Molière et dramatibus Ioannis Racine, operibus Francicis saeculi septimi decimi, praecipue dat. Sua translata Tartuffe facta sunt solitus ludus conversus Anglicus, qui in televisione bis praebitus est (productio anni 1978 per DVD inveni potest.) Praeter poemata et translata, nonnullos libros pueriles protulit, inter quos Opposites, More Opposites, et The Disappearing Alphabet.
Poesis Wilburiana, usum Roberti Frost et W. H. Auden continuans, in experientiis quotidianis illuminationem reperit. Minus noti sunt conatus Wilburiani in scriptione lyricarum. Verba nonnullorum carminum in Candide contribuit, theatro musico Leonardi Bernstein anni 1956, inter quod "Glitter and Be Gay" et "Make Our Garden Grow," carmina praeclara. Nonnulla etiam opera non iam edita produxit, inter quae "The Wing" et "To Beatrice."
Inter eius honores sunt Arbitrium Praecipium Drama Desk et Praemium Interpretationis PEN pro ludo converso The Misanthrope (1983), Praemium Pulitzeranum poesis et Nationale Librorum Arbitrium pro Things of This World (1956),[8] praemium Ednae Sancti Vincentii Millay, Praemium Bollingenianum, et Eques Ordinis Palmarum Academicarum. Socius Academiae Americanae Artium et Scientiarum anno 1959 electus est.[9] Anno 1987 factus est poeta secundus, post Robertum Penn Warren, poeta laureatus Civitatum Foederatarum nominatus, postquam titulus a Poetry Consultant permutatus est. Anno 1988, Arbitrium pro Poesi Americano Moderni Aiken Taylor, et tum anno 1989 Pulitzeranum alterum abstulit, hoc tempre pro New and Collected Poems. Die 14 Octobris 1994, Clipeum Artium Nationalem a Praeside Bill Clinton accepit. Etiam PEN/Ralph Manheim Medal for Translation anno 1994 accepit. Anno 2003, in Atrium Famae Theatri Americani inductus est.[10] Anno 2006, Praemium Poesis Ruth Lilly abstulit. Anno 2010, Arbitrium Translationis Nationalis pro The Theatre of Illusion Petri Corneille converso abstulit. Anno 2012, Universitas Yalensis Doctoratum Litterarum honoris causa ei concessit.
Vicicitatio habet citationes quae ad Ricardum Wilbur spectant. |