Ramus fluviatilis[1] vel bracchium fluviatile[2] (Anglice anabranch; Francogallice anabranche vel bras) est pars fluminis vel amnis quae a praecipuo canali vel a parte cursus aquatilis divertitur et ad praecipuum canalem secundo flumine redit. Minores rami fluviatiles a parvis insulis in cursu aquatili creari possunt. Fluxio in maioribus ramis fluviatilibus nonnulla chiliometra diverti potest antequam praecipuum canalem redit.
Vocabulum anabranch significationem hydrologicam habens in lingua Anglica Australiana plus quam in aliis linguis Anglicis adhibetur.
Saepe fluvio errante bracchium fluviatile cum alveo principali ligamina perdit (nam sedimentis alluvialibus mox obruuntur) et quasi lacus oblongus sui generis manet; tunc bracchium caecum dicitur.
Vide ramum fluviatilem in Victionario. |