Planities montana Aldanica[1] est planities montana Siberiae boreorientalis in Iacutia re publica Russiae sita. Divortium aquarum Olecmae et Utschuri fluminum est. Aldanus est finis planitiei montanae borealis, Olecma occidentalis, Utschurus orientalis, iugum Palmarium australis. Punctum planitiei Aldanicae montanae altissimum 2306 metra habet. Altitudo media 1000 m est.
Lapide fissili et gneisso montes planitiei Aldanicae compositae sunt. Taiga laricina planitiem operit, quae locis altioribus (supra 1300 m) in tundram montanam mutatur. Terra inter urbes Aldanum, Neriungri, et Tschulmanem paene inhabitabilis est; ferrivia ab Amure ad Iacutiam planitiem transit.
Timpton flumen per planitiem montanam Aldanicam fluit; Amga et Talba hic oriuntur.
