Petrus Knauer (natus Berolini die 5 Februarii 1935; ibidem mortuus die 21 Iulii 2024^[1]) fuit theologus egregius et presbyter Catholicus. Iesuita Germanicus oecumenismo nidum in theologia fundamentali Catholica fingebat. Summus Idiomatis Zamenhofiani fautor Unioni Internationalis Esperantistarum Catholicorum adhaesit. Heribertus Knauer chemicus fuit eius frater.

Filius Othonis Knauer iudicis^[2] anno 1953 absolutorium scholasticum in collegio Canisiano nactus est. Paulo post ipse iesuita factus est.

Annis inter 1955 et 1959 Pullach apud Monacum in scholis pro Ioanne Berchmans nominatis philosophiae studuit, antequam Leodii theologiae studia arriperet atque perficeret. Die 8 Augusti 1964 Bruxellis in fano Collegii Sancti Michaelis sacerdos ordinatus est. Anno 1969 in Universitate Monasteriensi doctoratu laureatus est; postquam defendit thesim Verantwortung des Glaubens: Ein Gespräch mit Gerhard Ebeling aus katholischer Sicht (Francofurti 1969). Inde Francofurtenses ei veniam docendi minorem dederunt pro Schola superiore Sancti Georgii. Anno 1977, habilitatio in theologia dogmatica bene evenit, quod monstrat opus insigne praetitulatum Der Glaube kommt vom Hören. Ökumenische Fundamentaltheologie (Graecii 1978). Ex anno 1978, professor extraordinarius in dogmaticis fuerat, et ex anno 1980 in theologiae fundamentalis cathedra sessitaverat. Ibidem annis inter 1994 et 1997 rector vicarius fuit; anno autem 2003 rude donatus est.

Ex autumno 2003 usque ver 2018 operam navabat apud instituta Bruxellensia "Foyer Catholique Européen" et "Office Catholique d'Information et d'Initiative pour l'Europe" (OCIPE). Anno 2018 Kladow in tribu Berolinensi in hospitio Petri Fabri cum aliis iesuitis aetate provectis vitam degere coepit.^[3]

Knauer interdum extra Germaniam studiosos theologia fundamentali impertiebat atque instruebat, et id annis:

• 1976 in universitate Leopoldino-Franciscea Aeniponte;
• 1983 Bogotae in Universitate Xaveriana, Quiti in Universitate Pontificia, Guaiaquili in Seminario Maiore;
• 1986, 1989 et 2000 Mexicopoli in Universitate Iberoamericana;
• 1994 ad Sanctum Michaelem (provinciae Bonaëropolitanae) in Collegio Maximo Sancti Iosephi;
• 2005 Hierosolymis ad abbatiam Dormitionis.

Eius magnum opus in theologia fundamentali, cui titulus Der Glaube kommt vom Hören. Ökumenische Fundamentaltheologie, multis fidelibus lectum et penetratum est: anno 2015 editione septima gavisum est. Magnus theologorum recentiorum circulus ex doctrinis Petri Knauer carpiebat velut Barbara Andrade (in theologia systematica), Gerardus Gäde (in scientia religionum), Robertus Deinhammer (in theologia morali), Stephanus Ernst (in theologia morali), Ioannes Ioachimus Höhn (in systematica et ethica). Anno 2009, Dominicus Kraschl critice de rebus a Petro Knauer doctis scripsit in Das prekäre Gott-Welt-Verhältnis. Studien zur Fundamentaltheologie Peter Knauers.^[4]

Petrus Knauer omnes Dei speculationes abhorruit; nuntios Christianos in Dei verbis reconditos in vita quotidiana quaerere maluit. Insuper ontologiam relativam magni aestimavit.^[5] Unde omnia necessaria a Deo esse debent. De omnipotentia divina quoque saepe cogitavit: maximi momenti esse invitationem nobis datam, ut communitatem cum Deo petamus. Idque sine timore fieri posse. Ecclesiam autem significare traditionem aeternam istius invitationis, preces esse responsum in Dei verba (quasi fidem active loquentem). Rationem humanam partes magnas agere in superstitione defendenda.

Petro Knauer auctore

• Verantwortung des Glaubens – Ein Gespräch mit Gerhard Ebeling aus katholischer Sicht, FThSt 3, Verlag Josef Knecht: Francofurti 1969
• Katholische Theologie. Henn Reader, hrsg. v. Peter Knauer und Friedhelm Mennekes, Verlag Aloys Henn: Ratingen-Kastellaun 1975, ISBN 3-450-10060-2.
• Ignatius von Loyola, Geistliche Übungen und erläuternde Texte, St. Benno Verlag: Lipsiae 1978 (3. Aufl. 1988), ISBN 3-7462-0381-3.
• Der Glaube kommt vom Hören – Ökumenische Fundamentaltheologie. Sexta editio, Herder, Friburgi/Basileae/Vindobonae 1991, ISBN 3-451-22187-X (editio septima correcta
• Unseren Glauben verstehen. Echter: Herbipoli 1986; editio octava 2014, ISBN 3-429-00987-1.
• Handlungsnetze – Über das Grundprinzip der Ethik. BoD: Francofurti 2002, ISBN 3-8311-0513-8 (editio electronica).
• Hinführung zu Ignatius von Loyola. Herder, Friburgi/Basileae/Vindobonae 2006, ISBN 3-451-29055-3.
• Christlicher Glaube – Kurze Einführung, Books on Demand GmbH, Norderstedt 2018, ISBN 978-3-7528-7950-6.

Petro Knauer editore et interprete

• Ignatius von Loyola, Das Geistliche Tagebuch, Herder: Friburgi/Basileae/Vindobonae 1961
• Ignatius von Loyola, Bericht des Pilgers, St. Benno-Verlag: Lipsiae 1990, ISBN 3-7462-0587-5
• Ignatius von Loyola, Briefe und Unterweisungen, Echter: Herbipoli 1993, ISBN 3-429-01530-8.
• Ignatius von Loyola, Geistliche Übungen. Nach dem spanischen Autograph übersetzt von Peter Knauer, Echter: Herbipoli 1998, ISBN 3-429-02018-2, editio quarta 2006.
• Ignatius von Loyola, Gründungstexte der Gesellschaft Jesu, Deutsche Werkausgabe Band II, Übersetzt von Peter Knauer, Echter, Herbipoli 1998, ISBN 3-429-01957-5.
• Hugo von Sankt Viktor, Über die Heiltümer des christlichen Glaubens, Aschendorff Verlag: Monasterii 2010, ISBN 978-3-402-10425-5.
• Franz Xaver, Briefe und Dokumente 1535–1552, Schnell & Steiner 2006, ISBN 3-7954-1875-5.
• Das Neue Testament. Studienausgabe (omnium librorum Novi Testamenti nova versio Theodisca critica a Knauer confecta)

• Robert Deinhammer: Fragliche Wirklichkeit, fragliches Leben. Philosophische Theologie und Ethik bei Wilhelm Weischedel und Peter Knauer. Würzburg 2008, ISBN 978-3-429-03071-1
• Stephan Ernst/Gerhard Gäde (ed.): Glaubensverantwortung in Theologie, Pastoral und Ethik. Für Peter Knauer SJ. Friburgi 2015, ISBN 3-451-31332-4.
• Gerhard Gäde (ed.): Hören-Glauben-Denken. Festschrift für Peter Knauer S.J. zur Vollendung seines 70. Lebensjahres. Monasterii 2005, ISBN 3-8258-7142-8.

• Opera ab hoc homine vel de eo scripta apud Bibliothecam Nationalem Germanicam (Theodisce)
• pagina domestica
• nexus apud DDB

Lexica biographica:  • Deutsche Biographie