Normannus Ernestus Borlaug (natus Cresco in vico Iovae die 25 Martii 1914; mortuus Dallasii Texiae die 12 Septembris 2009) fuit agronomus Americanus qui vires circa orbem terrarum duxit quae productionem agriculturalem magnopere amplificaverunt, emendationes technologicas oeconomicasque res novae virides appellatas. Qua pro causa, multos honores accepit, inter quos Praemium Nobelianum Pacis anno 1970, Praesidis Nomisma Libertatis anno 1977, et Nomisma Aureum Congressionale.
Borlaug gradús Baccaleureati Scientiae in silvologia anno 1937 et Philosophiae Doctoris in phytopathologia et genetica anno 1942 ab Universitate Minnesotensis accepit. Investigationes agriculturales in Mexico facere coepit, ubi cultivarietates tritici nani morbis plantarum resistentís fecit.[1][2]
Borlaug pater rerum novarum viridium saepe appellabatur,[3][4] et plus quam billionem hominum per orbem terrarum fame servavisse putatur.[5][6][7]
Vicimedia Communia plura habent quae ad Normannum Ernestum Borlaug spectant. |