Familia
Nicolaus Constantini filius Roerich (Russice Николай Константинович Рёрих, tr. Nikolaj Konstantinovič Rërich) seu Rerich (Russice Рерих[1], tr. Rerich; 9 Octobris 1874–13 Decembris 1947) fuit pictor, archaeologus, peregrinator, theosophus et scriptor Russicus.
Roerich Petropoli in Academia Artium (cuius membrum factus est anno 1909) et in facultate iuridica Universitatis educatus est. Picturas de historia legendisque Rutheniae antiquae atque natura et mythologia Indiae Thibetique creavit. Ab annis 1930 in India habitabat. Annis ab 1924 ad 1928 et ab 1934 ad 1935 expeditiones in Asiam Mediam Orientalemque perfecit. Nonnullos libros scripsit. Pro protectione monumentorum culturae et communicationis interculturalis agitabat.
Asteroides 4426 Roerich in eius honorem vocatur.
Vicimedia Communia plura habent quae ad Nicolaum Roerich spectant. |
Lexica biographica: • Большая российская энциклопедия • Grove Art • Deutsche Biographie |