Nectariniidae sunt familia parvarum avium ordinis Passeriformium Mundi Veteris. Tenues sunt, plerumque rostris deorsum curvis. Multis speciebus sunt colores clarissimi, saepe pinnis iridescentibus, praecipue in maribus. Multis sunt pinnae caudales insolite longae. Earum distributio geographica per multum Africae ad Levantem, Asiam Meridianam, Asiam Meridio-Orientalem, et Sinam meridianam ad Indonesiam, Novam Guineam, et Australiam septentrionalem extenditur. Diversitas specierum maxima in regionibus aequatorialibus est.
Sunt 145 species in sedecim genera digestae. Plurimae plerumque nectare vescuntur, sed etiam insecta et araneas consumunt, praecipue cum pullos pascant. Flores cuius formae accessum ad nectar prohibent (exempli gratia, flores longissimos et angustissimos) partem inferiorem prope nectaria pungunt, ex quibus aves nectar recte sorbillant.[1] Diaeta in nonnullis speciebus fructus comprehendit. Volatus est rapidus et rectus, alarum brevium causa.
Nectariniidis sunt res gemellae in duobus gregibus distantissime cognatis: trochilidis Americae et meliphagidis Australiae et Oceani Pacifici. Earum similitudines evolutionem convergentem ex modo vivendi simile effectam monstrant.[2] Aliquot species nectar sicut trochilidae in aere pendentes capere possunt, sed vescentes plerumque ramis insident.
Familiae sunt 146 species in sedecim 16 genera digestae.[3]
Situs scientifici: • ITIS • NCBI • Biodiversity • Encyclopedia of Life • WoRMS: Marine Species • Fossilworks |