Monumentum Vicipaediae (Polonice: Pomnik Wikipedii, Esperantice: Monumento de Vikipedio) est monumentum altitudinis 1,70 metrorum a domino Mihran Hakobjan anno 2014 creatum Słubice in Palatinatu Lubucensi invenitur. Aere est et globum in altitudinem apertum a duabus feminis una cum duobus viris allatum monstrat. Partes singulae operi vermiculato similes sunt, ut mos est in insignibus Vicipediae.[1] Figurae in suggesto sunt, quasi in pegmate librorum. Sculptae res plastica sunt, ne pluviae eis noceant.[2]
Christophorus Wojciechowski Polonus, scriptor et praeses Collegii Polonici, pater monumenti fuisse fertur. Vicipaediam esse hominum maximum usque inceptum et Polonos Vicipaediae fautores entheos. Inde locum monumento dignissimam esse Poloniam.[3] Thomas Ciszewicz, demarchus pristinus, ideam istam magni aestimans fecit, ut quindecim milia euronum omnino a fisco municipali solverentur.[4] Ab artifice Armeno Mihran Hakobjan, Collegii Polonici alumno, rogatum est ut aliquid pulcrum fingeret.[5] Symposium die 22.10.2014 in Collegio Polonico celebratum homines ad Plateam Francofurtensem invitavit ut inauguratione sollemni participes essent et congauderent.
In monumenti basi inscriptio variis linguis visibilis est.[6]
Vicimedia Communia plura habent quae ad Monumentum Vicipaediae spectant. |
Situs geographici et historici: Locus: 52°20′58″N 14°33′37″E |