Marcus Fulvius M. f. Ser. n. Nobilior (natus saeculo 3 a.C.n., mortuus post annum 179 a.C.n.) vir publicus Romanus erat.
E gente Fulvia ortus est. Filii eius Marcus Fulvius Nobilior anno 159 a.C.n. consul fuit et Quintus anno 153 a.C.n. summum magistratum tenuit.
Anno 196 aedilis curulis una cum Tito Quinctio Flaminino electus est, quocum anno 193 etiam praeturam gessit. Annis 193 - 191 praetor et propraetor in Hispania ulteriore feliciter pugnavit et deinde ovationem abstulit. Fuit consul eodem anno 189 a.C.n. quo Gnaeus Manlius Vulso. In insula Cephallenia et in Aetolia et Ambracia bellum gessit. Ob victorias die 23 Decembris 187 a.C.n. triumphavit; anno insequenti ludos per decem dies celebravit.
Opera artis permulta e Graecia in Italiam transtulit. Livius enumerat "signa aenea septingenta octoginta quinque, signa marmorea ducenta triginta" in triumpho monstrata.[1] Plinius addit, de pictore Zeuxide disserens: "Fecit et figlina opera, quae sola in Ambracia relicta sunt, cum inde Musas Fulvius Nobilior Romam transferret."[2] Etiam multa aedificia exstrui iussit, inter quae etiam Basilica Fulvia fuit[3].
Anno 179 censor electus est.
Antecessores: Lucius Cornelius P.f. Scipio Asiaticus et Gaius Laelius C.f. |
Consul 189 a.C.n. cum Gnaeo Manlio Vulsone |
Successores: Gaius Livius M.f. Salinator et Marcus Valerius M.f. Messalla |
![]() |
Haec stipula ad biographiam spectat. Amplifica, si potes! |