Familia
Marcus Aurelius Cotta (floruit primo saeculo a.C.n.) fuit senator Romanus antiquus qui consulatum anno 74 a.C.n. cum Lucio Lucullo gessit. Deinde proconsul Bithyniae fuit et bellum cum rege Mithridate VI gessit. Postremo repetundarum damnatus e senatu anno 67 a.C.n. pulsus est.
Nobili genere plebeio natus Marcus Aurelius Cotta erat filius Lucii Aurelii Cottae consulis 119 a.C.n.. E duobus fratribus maior natu Gaius consulatum anno proximo, 75 a.C.n., gesserat, minor natu Lucius consul anno 65 a.C.n. fuit. Soror quoque ei fuit, Aurelia, mater Gai Iulii Caesaris (ita Marcus Cotta avunculus Caesaris erat).