Lumia,[1] limia,[2] vel lima[3] (a nomine Arabico ليمة līma, a Persico لیمو līmū) est nomen variarum specierum et hybridarum in genere Citro. Fructus earum, qui eisdem nominibus appellantur, rotundi sunt, nonnumquam paululum elongati, viridis vel flavi coloris et saporis acidi. Quem propter saporem saepe ad cibos condiendos et potus parandos adhibentur.
Notissimae species lumias portantes sunt Citrus × aurantiifolia et Citrus × latifolia. Cum his non est confundenda species quae nunc binomine Citrus × lumia appellatur.