Lingua Curdica[1][2] sive Corduena[3] (Curdice: Kurdî vel کوردی) est lingua Iranica in globo capitali linguis Indoeuropaeis, qua loquuntur multi homines Curdi in Turcia, Iraquia, Syria et Irania. Scribitur litteris Latinis et Arabicis.
Linguae Curdicae (vel greges dialectorum Curdicorum): Curdica borealis (Curdica sensu stricto) Curdica media (Soranica) Curdica australis Goranico-Zazaca (Zazaca & Goranica) zonae mixtae
Varietates
Multi sunt dialecti linguae Curdicae vel variae linguae Curdicae (nam non semper omnibus Curdis intelligibiles sunt):
- lingua Curdica sensu stricto vel Kurmancî est dialectus septentrionalis, qua Curdi Iracae borealis et Syriae borealis et Turciae orientalis loquuntur;
- lingua Curdica media vel lingua Soranica in Iraca et in Irania a lacu Urmia usque ad Kermanchah in usu est;
- lingua Curdica australis (cuius dialectorum una Lakî est) in provinciis Iraniae Kermanchah, Elam, Luristania usurpatur;
- quartus grex dialectorum Curdicorum est lingua Zazaca vel Goranico-Zazaca, in omnibus terris, quas Curdi incolunt, dissipata.
