Ioannes seu vulgo João de Barros [ʒuˈɐ̃w̃ dɨ ˈbaʁuʃ] (natus anno 1496; mortuus die 20 Octobris 1570) fuit rerum gestarum scriptor Portugallensis. De aliis rebus nonnullis scripsit, sed propter opus de explorationibus Lusitanis Décadas da Ásia celeberrimus est. Ipse decadas quattuor confecit (videlicet libros quadraginta et quinque, quos sicut Titus Livius in decadas congessit); Iacobus do Couto opus continuavit.