Familia
Memoria
Ioannes Vesleius[1] (natus John Wesley apud Epworth in Comitatu Lincolniensi die 28 Iunii 1703; Londinii mortuus die 2 Martii 1791) fuit clericus Anglicanus et theologus, qui, una cum Carolo fratre et Georgio Whitefield amico, conditor habetur Methodismi, motus evangelici. Sua opera et scripturae primas partes in motu sanctitatis et Pentecostalismo progressis egerunt.
Filius Samuelis Wesley alumni universitatis Oxoniensis et clerici, Ioannes Wesley eruditus est Londinii in schola Carthusiana atque apud aedem Christi Oxoniensem. Diaconus anno 1725, presbyter Anglicanus anno 1728, ordinatus est; interdumm socius electus est collegii Lincolniensis. Oxoniae his annis cum fratre Carolo aliisque societatem religiosam constituit quam inimici the Holy Club, alii autem the Oxford Methodists nuncupabant, quod nomen ipse ad divinam observationem suam describendam assumpsit. Annis 1736 et 1737 Savannae in Georgia praedicavit, ubi florilegium hymnorum Christianorum edidit titulo Collection of Psalms and Hymns. Inde iudicio persecutus subito effugit Londiniumque rediit.[2]
![]() |
Vicimedia Communia plura habent quae ad Ioannem Wesley spectant. |