Familia
Ieremias Corbyn (natus Chippenhamiae in oppido Wiltoniensi die 26 Maii 1948) est politicus Britannicus.
Chinctunae Michaelis eiusdem comitatus et iuxta Portum Novum in Salopiensi Comitatu eruditus est. Iuvenis in Iamaica praeceptor duos annos operam dedit, et per Brasiliam, Argentinam, Uruguaiam, Chiliam iter fecit.
Sodalis factionis Laboris, a die 9 Iunii 1983 munere populi Islington North in Parlamento Regni Uniti fungitur. Etiam activista contra bellum et exarmationis nuclearis et socius Amnestia Internationalis est.
Anno 2015 ad factionis suae principatum candidatus est, aemulis Elisabetha Kendall, Andrea Burnham, Ivetta Cooper; quo certamine victor a die 12 Septembris huius anni dux factionis factus est. Thoma Watson iuxta eum duce vicario electo, alios de rebus publicis oratores (Shadow Cabinet) mox selegit: Ioannem McDonnell, Andream Burnham nuper sibi aemulum, Hilarium Benn, Dianam Abbott aliosque.[1]
![]() |
Vicimedia Communia plura habent quae ad Ieremiam Corbyn spectant. |
![]() |
Lexica biographica: • Store norske leksikon • Parlamentum Britannicum |