Historia Augusta est series semi-historica aut potius mythistorica[1] vitarum imperatorum Romanorum ab Hadriano Carum usque, ab auctore incerto saeculi IV exeunte conscripto. Praetenditur opus scriptum fuisse a sex auctoribus temporis Diocletiani et Constantini I, scilicet Aelius Lampridius, Aelius Spartianus, Iulius Capitolinus, Vulcacius Gallicanus, Trebellius Pollio, Flavius Vopiscus.
In hoc opere vel quadraginta scriptores citati sunt, quorum triginta quinque ficticii,[2] scilicet: Iulius Atherianus, Onesimus, Acholius, Iunius sive Aelius Cordus, Aurelius Apollinaris qui carmen iambicum scripserit ad laudationem imperatoris Cari,[3] Aurelius Festivus libertus tyranni Domitiani Aureliani,[4] Gallus Antipater "ancilla honorum et historicorum dehonestamentum",[5] Turdulus Gallicanus "homo sincerissimus et honestissimus" et auctor Ephemeridum,[6] Apollonius Syrus auctor de oraculo imperatore Hadriano dato suppositicius,[7] Aemilius Parthenianus "qui adfectatores tyrannidis iam inde a veteribus historiae tradidit",[8] Caelestinus,[9] Nicomachus qui epistolam Zenobiae e lingua Syriaca converterit,[10] Callicrates Tyrius qui, si credimus auctori, omina de imperatore futuro Aureliano conscripserit,[11] Gargilius Martialis,[12] Dagellius Fuscus,[13] Helius Maurus,[14] Encolpius,[15] Septiminus,[16] Fabius Marcellinus,[17] Aelius Sabinus,[18] Aurelius Verus,[19] Fabius Ceryllianus,[20] Fulvius Asprianus,[21] Maeonius Astyanax,[22] Lollius Urbicus,[23] Suetonius Optatianus,[24] Valerius Marcellinus.[25]
Insuper citantur ephemerides et epistolae Aureliani, epistola Probi, epistolae et oratio Cari, epistola Maximini, alia multa.