Hypertext Markup Language ('lingua annotationis hypertextualis'), acronymum HTML, est normativa lingua annotationis instrumentorum quae in navigatro exhibenda sunt. Adiuvatur a technologiis sicut Cascading Style Sheets (CSS) et linguis scriptionis sicut JavaScript.
Navigatra instrumenta HTML ex servatro retiali aut ex copiis loci accipiunt, atque instrumenta in multiplices paginas retiales convertunt. HTML, quod indicia de specie instrumenti primum continebat, structuram paginae retialis semantice describit. Elementa HTML sunt fundamentales paginarum HTML unitates.
Timotheus Berners-Lee, physicus et conductor apud CERN, ENQUIRE anno 1980 proposuit et designavit, rationem per quam investigatores CERN instrumenta inter se communicare poterant. Anno 1989, memorandum scripsit quod rationem nexuum in interrete conditurorum proposuit.[2] Ipse HTML subtiliter enumeravit, corpusque programmatum navigatrorum et servatrorum anno 1990 exeunte composuit.