Gesta regum Britannie (Latinitate classica Gesta regum Britanniae) est carmen epicum Latine scriptum de historia fabulosa Britanniae et praecipue de rebus a rege Arthuro gestis. Haec narratio, extracta e libro Galfridi Monemutensis titulo Historia regum Britanniae, fere quinque miliis versuum hexametrorum accommodata est ab auctore incognito, fortasse Britanniae Minoris oriundo, medio saeculo XIII florenti: opus enim Cadioco episcopo Venetensi dicatum est, qui hoc officium inter annos c. 1231/1234 et 1254 implevit.
Poëta Alexandreidem Gualteri de Castellione atque opera Vergilii et Ovidii bene cognovit atque fortasse Anticlaudianum Alani de Insulis.