Geranium (Graece γέρανος vel γερανός 'grus') est genus plantarum florentium ordinis Geranialium, cui generi sunt 422 species plantarum annuarum, biennium, et perennium. Per temperatas orbis terrarum regiones montesque tropicos, sed plerumque in orientalibus regionis Mediterraneae partibus, inveniuntur.
Folia palmate fissa plerumque rotunda sunt. Floribus sunt quinque petala colorum albi, rosei, purpurei, vel caerulei, saepe venis distincte notata. Gerania in omnibus solis praeter paludosa vigere possunt. Propagatio segmentis aliquantulum maturis aestate, aut seminibus vel divisione autumno vereque, fit.
Larvae nonnullarum specierum papilionum geraniis vescuntur, inter quas sunt Euproctis chrysorrhoea, Hepialus humuli, et Amphipyra tragopoginis. Aliquot Geranii species sunt gynodioeciae.[1][2][3] Species Geranium viscosissimum protocarnivorum putatur.
.jpg)
.jpg)
.jpg)
