Gestio
Tabula aut despectus
Galaxidium (Neograece Γαλαξίδι; Catharevusa Γαλαξίδιον) est urbicula et pristinus demus Phocidis in Graecia 2600 incolarum (status: 2010)[1] ad Sinum Corinthium situs. Ab administratione reformata anno 2011 (vide: Libellus Callicratis) pars est Delphorum demi, cuius est unitas popularis (δημοτική ενότητα).[2]
Galaxidio est parvus portus geminus a montibus circumdatus. Portus principalis, qui est profundior, navibus lusoriis ac piscatoriis locum dat et cauponis tabernisque obsitus est. A minore portu, qui est incolarum, se splendidus aspectus in Iteam et Delphos praebet.
Galaxidium usque ad saeculum undevicesimum magnam classem onerariam habuit et copiosus mercaturae locus erat, quod magnitudine ac ornatu aedificiorum iam videtur. Forma domuum translaticia bene servata incrementum periegesis valde adiuvit.