Faustulus (a fausto) in mythologia Romana fuit pastor qui Romulum et Remum invenit, infantulos qui in monte Palatino a lupa alebantur. Secundum fabulam, Faustulus et Acca Larentia uxor liberos educaverunt.[1][2] Larentia in nonnullis huius mythi translationibus fuit meretrix (etiam Latine lupa). Nomen Faustulus deinde a quadam familia Romana vindicatum est, cuius Sextus Pompeius Fostlus denarium argenteum anno 137 a.C.n. cudi fecit, qui Faustulum, geminos, et lupam depingit.