Fallingwater ('Aqua Cadens') est domus a Francisco Lloyd Wright architecto Americano in Terra Alta Laurel Pennsylvaniae meridianae et occidentalis anno 1939 designata, circiter 110 chiliometra ad meridiem et orientem Pittsburgi versus patens.[1] Pars aedificii super aquam cadentem in Bear Run ('Cursu Ursorum') in regione Mill Run in Stewart Township in Montibus Alleghenianis exstructa est. Domus usui Edgari J. Kaufmann, possessoris Kaufmann's Department Store, et Lilianae uxoris finibus hebdomadum proderat.
Aedificio nondum confecto, Time magazina Fallingwater "opus pulcherrimum"[2] Wrightianum appellavit,[3] ac domus inter "indicem vitalem viginti octo locorum antequam morieris visendorum"[4] a Smithsonian periodico perscribitur.[5] Domus inter tabulas publicas National Historic Landmarks anno 1966 relata est. Anno 1991, socii Instituti Architectorum Americani Fallingwater "optimum architecturae Americanae opus omnium temporum" censuit, annoque 2007, locum vicensimum nonum in indice Architectura Grata Americae[6] secundum Institutum Architectorum Americanum tenebat.[7]
Domus et septem aliae constructiones Wrightianae inter patrimonium totius mundi mense Iulio anni 2019 perscriptae sunt, titulo "Architectura Saeculi Vicensimi Francisci Lloyd Wright."[8][9]
![]() |
Vicimedia Communia plura habent quae ad Fallingwater spectant. |