Exorcismus (Graece: ἐξορκισμός) est adiuratio ad satanam vel daemonem ex homine eradicandum. Vir qui exorcismum legit exorcista vocatur.
vespere autem facto obtulerunt ei multos daemonia habentes et eiciebat spiritus verbo et omnes male habentes curavit.– Novum Testamentum, Matthaeus 8,16
dicens sine quid nobis et tibi Iesu Nazarene venisti perdere nos scio te qui sis Sanctus Dei et increpavit illi Iesus dicens obmutesce et exi ab illo et cum proiecisset illum daemonium in medium exiit ab illo nihilque illum nocuit et factus est pavor in omnibus et conloquebantur ad invicem dicentes quod est hoc verbum quia in potestate et virtute imperat inmundis spiritibus et exeunt et divulgabatur fama de illo in omnem locum regionis.– Novum Testamentum, Lucas 4:33-37
vespere autem facto cum occidisset sol adferebant ad eum omnes male habentes et daemonia habenteset erat omnis civitas congregata ad ianuam et curavit multos qui vexabantur variis languoribus et daemonia multa eiciebat et non sinebat loqui ea quoniam sciebant eum et diluculo valde surgens egressus abiit in desertum locum ibique orabat et persecutus est eum Simon et qui cum illo erant et cum invenissent eum dixerunt ei quia omnes quaerunt te et ait illis eamus in proximos vicos et civitates ut et ibi praedicem ad hoc enim veni
et erat praedicans in synagogis eorum et omni Galilaea et daemonia eiciens.– Novum Testamentum, Marcus 1,32-39