Ecclesia cathedralis Nostrae Dominae Ebredunensis Eburoduni in urbe inter annos fere 1170 et 1220 fundamento ecclesiae anterioris aedificata est. Sedes fuit archidioecesis saeculo IV constitutae, anno 1822 destitutae.

Organum huius ecclesiae, Franciae omnis antiquissimum, a delphino Ludovico datum, qui postea rex Ludovicus XI fuerit, saeculo XVIII magna parte refectum est. Ecclesiam eo tempore a peregrinis multis frequentatam ille anno 1449 visitavit. Filius eius Carolus VIII ter Ebredunum petivit, annis 1490, 1494, 1495.

Bibliographia

• Paul Guillaume, Documents inédits rélatifs à la dévotion de Louis XI envers Saint Arnoux et au premier pélerinage de Charles VIII à N.-D. d'Embrun Textus
• Paul Guillaume, "Louis XI à Embrun" in Bulletin de la Société d’Études des Hautes-Alpes (1882) pp. 29-35

Nexus externi

Situs geographici et historici: Locus: 44°33′44″N 6°29′42″E

Vicimedia Communia plura habent quae ad Cathedralem Ebredunensem spectant.

• "La petite histoire de la Cathédrale d'Embrun"