Dolly Parton (nata 19 Ianuarii 1946) est cantrix, compositor carminum, multi-instrumentalista, choragus phonodiscorum, actrix, auctor, negotiatrix, et humanitarista Americana, quae plerumque operá musicae rusticae datá innotuit. Postquam bene res gestas propter carmina pro aliis composita habere coepit, Hello, I'm Dolly, suum primum album musicum, anno 1967 divulgavit. Bene res gestas reliquis annis decennii 1960 continenter habuit, ambo sola et in serie alborum cum Porter Wagoner factorum. Fastidium venditionis annis 1970 fiebat, annisque 1980 persistebat. Sua alba annis 1990 tam bene non vendebantur, sed bene res gestas iterum novo millennio habuerit, atque ex anno 2000 alba phonodiscorum pro nonnullis societatibus negotialibus divulgavit, Dolly Records, negotio suo, non excluso.
Nata est Dolly Rebecca Parton die 19 Ianuarii 1946 in casa unius conclavis ad ripas fluvii Little Pigeon prope Pittman Center Tennesiae, commune minutum in Sevier Comitatu in Magnis Montibus Fumosis Tennesiae Orientalis.[1] Dolly est quarta e duodecim liberis, matre Avie Lee Caroline (nata Owens; 1923–2003), patre Roberto Lee Parton (1921–2000). Pater, Lee usitate appellatus, in montibus Tennesiae Orientalis laborabat, olim sharecropper? et tum suum praedium parvum terrasque curans. Etiam varios quaestus minores faciebat, paupertatis causá. [2][3] Legere non poterat.[4]
Plus quam tria milia carminum composuit. Stella nonnullarum pellicularum et programmatum televisificorum est. Insigne Artium Nationale ei anno 2006 concessum est. Novem praemia Grammy et permulta praemia honoresque alios accepit.
Vicicitatio habet citationes quae ad Dolly Parton spectant. |
Vicimedia Communia plura habent quae ad Dolly Parton spectant. |
Lexica biographica: Treccani • Store norske leksikon |
De hoc homine in Indice Interretiali Pellicularum (Anglice)