Diphtheria^[1] (a verbo Graeco διφθέρα 'corium') est infectio cuius causa est bacterium Corynebacterium diphtheriae. Plurimae infectiones sunt asymptomaticae aut lenem cursum clinicum habent, sed in aliquot eruptionibus plus quam 10 centesimae hominum hac diagnosi laborantium moriuntur. Signa et symptomata a lenissimis ad gravissimas variant, et plerumque a duobus ad quinque dies incipiunt postquam homo huic morbo obicitur. Symptomata saepe videntur gradatim, exasperatis faucibus febrique primum visis. Infectio praecipue superioris apparatus respiratorii partis, raro aliorum membrorum est. In casibus severis, regio cana vel alba in faucibus crescit, quae transitum aeris occludere potest, latratum ut in laringotracheobronchite creans. Collum tumescere potest, partim propter nodos lymphaticos auctos. Genera diphtheriae quae cutim, oculos, vel genitalia implicant etiam inveniuntur. Inter implicationes medicos numerantur myocarditis, neuropathia peripheralis (inflammatio nervorum), proteinuria (renes deficientes), et sanguinis profusio thrombocytopeniae causa. Myocarditis arrhythmiam cordis et neuropathia peripheralis paralysin efficere potest.

Nexus interni

• Aemilius Adolphus de Behring

Notae

Bibliographia

• "Antitoxin dars 1735 and 1740." The William and Mary Quarterly, Series tertia, 6 (2): 338.
• Hammonds, Evelynn Maxine. 1999. Childhood's deadly scourge: the campaign to control diphtheria in New York City, 1880-1930. Baltimorae: Johns Hopkins University Press. ISBN 0801859786.
• Holmes, R. K. 2005. "Diphtheria and other corynebacterial infections." In Harrison's Principles of Internal Medicine, ed. sexta decima, ed. Kasper et al. Novi Eboraci: McGraw-Hill.ISBN 978-0-07-139140-5.
• Shulman, S. T. 2004. "The History of Pediatric Infectious Diseases." Pediatric Research 55 (1): 163–76. PMID 14605240. doi:10.1203/01.PDR.0000101756.93542.09. PMC 7086672.

Nexus externi

Vicimedia Communia plura habent quae ad diphtheriam spectant.

• Notitiae de diphtheria apud Institutum Roberti Koch. (Theodisce)