Chorasania, regio historica

Chorasania^[1] (Persice خراسان, unde sol venit) est regio historica Asiae, Persiae pars orientalis. Chorasania sensu latiore partem hodiernae Iraniae boreorientalem, Afghaniam paene totam et Asiae Mediae partem magnam, usque ad Oxum flumen (ubi hodie Turcomannia, Tadicistania, Usbecia sitae sunt), occupabat.

A tempore Sassanidarum pars Persiae orientalis hoc nomine nota est. Artacoana Chorasaniae urbs principalis saepe putabatur; Margiana et Bactra et Susia et Nisapurum urbes ceterae. Croco et berberi Chorasania nota erat. Firdausius, Jami, Nava'i poetae Chorasaniae fuerunt.

Chorasania, provincia Iraniae, in tres anno 2004 divisa

In Irania recentiore provincia (ostan) hoc nomine exsistebat, anno 2004 in tres provincias divisa: Chorasania Septentrionalis, Chorasania Rezana et Chorasania Meridionalis.

Notae

↑ J. G. Th. Graesse, Orbis Latinus, Brunopoli 1972, vol. I, p. 510; cf. Georgii Wilhelmi Freytagii^(de) Lexicon Arabico-latinum, vol. I, p. 89, etc.; vel Corasania, Khorasania, Khurasania (ibidem), Chorassania (Iosephus de Hammer-Purgstall^(de), Mysterium Baphometis revelatum..., p. 46), Khorasana (Iracae Persicae descriptio..., ed. Petrus Ioannes Uylenbroek, 1822, passim), Chorasan (Christianus Martinus Fraehn^(de), De aliquot nummis Kuficis amtehac ineditis..., in: Memoires de l'Academie imperiale des sciences de Saint Petersbourg, vol. X., 1826, pp. 421, 459-461), etc.

Nexus externi

Situs geographici et historici: Locus: 36°18′0″N 59°36′0″E

Categoriae