 | |
| Longitudo | 870 chm |
|---|---|
| Altitudo fontis | 520 m |
| Decursus aquae | 220 m³/s |
| Area systematis | 50 000 chm² |
| Fons | Zagrium |
| Ostium | Tigris |
| Regio | Irania |
Vide etiam paginam discretivam: Choaspes (discretiva).
Choaspes[1] (Graece Χοάσπης), vulgo Karkheh (Persice کرخه), est flumen Iraniae, in Susiana provincia, 870 chm longitudinis. In Zagrio iugo fluminibus Kaschkan et Seymare confluentibus oritur et in paludibus Hawizeh perditur; sed ex his paludibus amnes varii annis aqua abundantibus ad Tigrim perveniunt.
Choaspis aquae antiquitus purissimae et ad usum regum Persiae idoneae putabantur; de quo et in corpore Tibulliano dicitur:
Nec qua vel Nilus vel regia lympha Choaspes
Profluit...[2]
Gehon fluvius Biblicus ut Choaspes aevo Medio explicabatur.
