Cassiterides (nomen Graecum, scilicet "stanni insulae"; Graece enim stannum κασσίτερος sonat) fuerunt, si in scriptoribus antiquis fidem reponimus, insulae in Oceano Atlantico iacentes ad septentrionem Hispaniae[1], unde stannum a nautis Punis ad regiones meridionales portatum est. Saepius ab hodiernis "Cassiterides" nomen antiquum insularum Britannicarum omnium, seu earum partium Britanniae quae ad meridiem et occidentem spectantur, fuisse censetur. Non sine fundamento hoc nomen Sillinis insulis et Cornubiae litore occidentali tribuunt[2][3].