Gestio
Geographia
Bieschezia[1] (Russice Бежецк, Bežetsk) est urbs in Russia, sedes administrativa districtus Biescheziensis regionis Tueriensis. Ad flumen Mologam sita est. 20 418 incolarum anno 2020 habuit.
A Novogardiensibus condita, anno 1138 primum in annalibus memoratur. Saeculo XIV exeunte Moscuensis facta est. Demetris Georgii filius Pulcher, Demetrii Tanaitici nepos, dux Biescheziensis sui iuris fuit post annum 1433. A saeculo XVIII gubernii Tueriensis pars; terram fertilem regionem Biezcheziae Ioannes Kirilov nominat. Ferrivia anno 1876 constructa; lini mercatus Biescheziae tunc temporis florebat.
Situs geographici et historici: Locus: 57°47′0″N 36°42′0″E • GeoNames • Facebook Places • Большая российская энциклопедия |