Zahir ud-Din Muhammad Babur (Persice ظهير الدين محمد بابر, DMG Ẓahīr ad-Dīn Muḥammad Bābur; Andyan in urbe vallis Ferganicae, hodie Uzbecia, die 14 Februarii 1483 natus; Agrae, hodie in India, die 26 Decembris 1530 mortuus), saepe etiam Baburus[1], Baburus Chanus, Baburus Sachus dictus, fuit primus Mogol Indiae. E domo Timuridarum ortus est; initio in Asia media de imperio pugnabat, postea copias in meridiem (in regiones hodiernae Afganiae Indiaeque) direxit. Domo Lodi, quae Afganiae et magnarum Indiae septentrionalis partium potita erat, devicta aliisque regibus Indiae subactis Imperium Mogolicum condidit.