Ars terrena[1][2] est motus artis qui annis 1960 et 1970 exortus est,[3] plerumque in Britannia et Civitatibus Foederatis,[4][5][6] sed exempla in multis civitatibus amplectebatur. Quae fines artis materiis adhibitis sitibusque operum extendere solebat. Materiae adhibitae saepe erant solum, saxa, vegetatio, et aqua in situ reperta, ac situs operum saepe a sedibus hominum distabant. Quia pervenire ad situs aliquando difficillimum erat, documenta photographica ad urbanas artis pinacothecas saepe referebantur.[7][8] Magnae huius motus artis proprietates erant commercializationem artis factae reicere emergentisque motus oecologici approbare. Congruit enim artis terrenae ortus cum reiectione vitae urbanae studioque ruris, eius re gemella. Inter has inclinationes erant spiritualia telluris domus hominum desideria.[9][10]
Vicimedia Communia plura habent quae ad artem terrenam spectant. |