Anularius sive digitus anularis[1] seu digitus quartus[1] est quartus digitus utriusque manus, qui inter digitos minimum et medium positus est.
Hic digitus anularius dicitur, quia plerumque anuli huic digito inducti sunt. Quondam putabatur tenui nervo hic digitus ad cor conducere. Anularius etiam digitus medicus appellabatur, quia anulario medici, ut patientes unguinibus unguerent, utebantur.