Anucis | |||
---|---|---|---|
Nomen Aegyptium | |||
Hieroglyphica |
| ||
Translitteratio | ˁnq.t |
Anūcis[1] -is, f., (Aegyptie ˁnq.t, prius fere /ʕaˈnaːq’Vtʰ/ dein /ʕaˈnuːq’ǝ/, "fluidam" significans) erat dea Aegyptia, praesertim Syenae et Seti culta, cum Nilo sociata. Per interpretationem Graecam Vestam esse dicitur.[1] Anucis depingi solet coronam plumarum calamorumve excelsarum gerens.
Anucis cum deo Chnube et dea Satide in triade colebatur, sed quas partes inter socios suos agat non constat: forsitan sit soror Satidis, forsitan coniunx altera Chnubis.
Templum Anucis insulae Seti exstructum est, in quo dedicatio exstat Pharaonis Dynastiae 13 Sochotis III,[2] et multo postea Amenophis II Dynastiae 18 sacellum etiam dedicavit. In Regno Novo erat pompa fluviatica Deae mense Pachon