Wella Brown o Kerneweger, yethor ha dyskajor. Ev a skrifas A Grammar of Modern Cornish (1984; yn y 3ª dyllans a-dhia 2001), hag yw gramasek tien lowr a Gernewek Kemmyn. An tri lyver a Skeul an Yeth (1996–98) a dhysk an taves der dhyskansow, gerva, h.e. rag an peswar gradh a apposyansow a Gesva an Taves. Brown re gesoberis yn projekt Kernewekheans a'n Bibel ynwedh. Ev a dreylyas pymthek chaptra a Lyver Ysay ('Nessa Ysay' po Dewtero-Ysay avel y'ga helwir nepprys) ha peswar epystyl an Testament Nowydh – tri lyther Yowann ha huni Pawl dhe'n Romanyon. Brown o Skrifennyas an Gesva ha Bardh an Orsedh a-dhia lies blydhen. Kesva an Taves Kernewek a dhyllas kuntel a hwedhlow berr gans, An Koes a Ven.
![]() |
Porth Kernow – Tre rag folennow ha klassys Wikipedya a-dro dhe Gernow. |