Willibrordus Surendra Broto Rendra lair ing Sala, Jawa Tengah, 7 Novèmber1935 – pati ing Jakarta, 6 Agustus2009 ing umur 73 taun), punika satunggiling penyair kondhang ingkang asring dipunjuluki minangka "Burung Merak". Piyambakipun dipuntepang dados tiyang ingkang melopori drama kontemplasi ing Indonésia.[1] Bapakipun inggih punika guru basa Indonésia lan basa Jawa Kuno lan ibunipun penari ing Kraton Yogya.[1] Piyambakipun ngadegaken Bengkel Teater ing Yogyakarta taun 1967 lan ugi Bengkel Teater Rendra ing Dhépok. Wiwit jaman kuliah piyambakipun sampun aktif nyerat cariyos cekak lan esai wonten ing majalah. Ing antaranipun taun 1990 ngantos 1992, piyambakipun nyerat 10 sajak wonten antaloginipun Orang-orang Rangkasbitung.[2]